Ăp nău kan dŭt âk pah kan tâm ntrong kan công nghiệp nkra ƀư, nkra njêng, công nghiệp kơl kan, nkra ƀư ndơ sông sa, ndơ sa an ntil rong n’hanh mât rong. Tâm lĕ rnoh 25 ngih dak, nkual neh geh nău kan ntuh kơl  sŏng dăng bâh dak bah dih ta Gia Lai, Trung Quốc aƀaơ dâk tal 5 mpeh lĕ rnoh prăk ntuh kơl dak bah dih. Aơ dơi uănh lah ngoăy tâm âk rnoh prăk dak bah dih ntop pă rnoh kan an hun hao công nghiệp, nkret ƀư n’hanh n’hao nău khlăy ntil ndơ bâh Gia Lai. Nău geh âk rnoh prăk bâh Trung Quốc mô dơn ntop tay rnoh kan an ntuh kơl hun hao ma hôm nha pơk geh  nău dơn kan công nghệ, pơk hvi nău dơi pah kan jan sa n’hanh tât râng âk lơn ta rnoh pă kan. Aơ lah  nău gay ma Gia Lai an geh mpŏng geh âk nuĭh ntuh kơl ăp nău kan FDI geh công nghệ ueh mhe, rnoh khlăy hun hao, geh ueh đah ntŭk gŭ rêh n’hanh geh nău dơi njêng nău nsrôih kan an ăp n’gâng kan wăng sa geh nău dơi ta ntŭk.