Ta rơh tâm nchră, 2 hê nuĭh leo kan lĕ tâm mbơh nău n’hanh tâm ban ŭch âk mpeh ăp nău mpŏng kan têh gay ma ndơ̆ nău tâm boh kan Việt Nam- Australia an geh hun hao têh hvi tay tâm let năp tay, an tâm di đah nău ŭch hun hao bâh ăp dak tâm ban kơt ŭch đah nău rgâl mhe bâh ăp dak tâm ban kơt an tâm di đah nău rgâl mhe tâm nkual n’hanh lam ntur neh. Bar hê nuĭh leo kan tâm ban ŭch ndâk nsơm nău kan chính trị mbơh n’hao nău tâm mbơh kan gưl têh n’hanh ăp gưl, ƀư ueh tay lơn nău tâm boh kan mât rnă njrăng ngih dak- đăp mpăn. Lôch rơh tâm nchră, Tổng Bí thư, Kruanh dak Tô Lâm n’hanh Thủ tướng   Anthony Albanese lĕ geh saơ ăp nău tâm ton kan, tâm mbơh kan âk ntil nău tâm kơl ta ăp trong kan khoa học- công nghệ rgâl mhe nău kan, wăng sa rnoh mbrô, ntĭm nti n’hanh nti n’hanh ăp trong kan êng.