Ta rơh ôp srĭng nău, Tổng Bí thư, Kruanh dak nsing nơm nău hun hao đăp mpăn bah Australia mô dơn nsĭt tay geh ndrŏng an nuĭh ƀon lan Australia, an tâm boh Việt Nam - Australia ma hôm rgop uĕh an bah tâm lơh tâm su, đăp mpăn n’hanh têh ndrŏng bah nkual n’hanh lam ntŭr neh.

Tâm ôp mpeh tâm boh bar ding, Tổng Bí thư, Kruanh dak Tô Lâm lah rjăp Australia lah nuĭh băl tâm boh nsing nơm, geh âk dơh uĕh têh jong tâm ban đah Việt Nam. Việt Nam uănh khlay nău ndrel hăn n’hanh ntop kơl bah Australia tâm rnôk hun hao neh dak, nkre ŭch rŏng n’hao tâm boh bar dak nar lơn ma lăp tâng jru, ngăn ngăn n’hanh nsĭt geh nău dơi tam. Mpeh trong rƀŏng tâm boh, Tổng Bí thư, Kruanh dak Tô Lâm dăn đă bar dak rdâk tay nău nsing nơm chính trị ma trong tâm khâl gưl têh n’hanh ăp trong tâm boh; pơk hvi tâm boh njrăng n’gang neh dak – rnă njrăng; ntrŭt ntrôl tăch rgâl, ntuh kơl, rƀŏng tât nsĭt geh tăch rgâl bar ding 20 rmen USD n’hanh n’hao dăng ntuh kơl bar ding.