Tĭng trong nchrăp dôl dơi geh n'gor rdâk njêng, rnoh ngih nti mầm non hŭch bah 356 jŭr hôm 150 nhih nti; tiểu học ntơm bah 450 jŭr 134 nhih nti; THCS ntơm bah 284 jŭr 92 nhih nti. Tâm rnôk nê, trong ntĭt leo nhih nti liên cấp tiểu học - THCS hao ntơm bah 63 jêng 159 nhih nti. Ta gưl THPT, rnoh nhih nti nchrăp hŭch 10 nhih nti, ntơm bah 78 jŭr 68 nhih nti. Ntŭk ntĭm nti nău kan - ntĭm nti way ƀư dơi dăp rgum ntơm bah 24 jŭr hôm 9 ntŭk rgum, geh 5 ntŭk rgum ntĭm nti nău kan - ntĭm nti way ƀư n'hanh 4 nhih nti trung học nghề. Rnoh dăp rgum aơ lĕ geh khuch sŏng dăng  tât rmôt cán bộ, nuĭh kan n'gâng kan ntĭm nti. Nchrăp geh 643 hiệu trưởng, 780 groi hiệu trưởng n'hanh 935 nuĭh kan mpeh tâm rnoh khuch tât. Jêh nglăp nsum, âk ngih sam ƀŭt mbra geh âk lơn, mât uănh âk ntŭk ngih sam ƀŭt, phân hiệu, đă trong leo ƀư n'hanh ntĭm nti mhe. Wa Lê Thị Thanh Xuân, Giám đốc N'gâng kan ntĭm nti n'gor Dak Lak an gĭt, N'gâng kan ntĭm nti dôl tâm rgop đah N'gâng kan Nội vụ rdâk njêng rnoh di nsum gay ntĭm nti ăp ntŭk tâm pă rmôt cán bộ mât uănh: "Let năp atay n'gâng kan ntĭm nti kŏ tâm rgop n'gâng kan Nội vụ ndâk njêng nkô̆ nau nsum gay ma ntĭm mbơh ăp nkuăl gay ma ƀư nau kan pă dăp đah rmôt cán bộ mât kan. Tât pơh ri phung hên mra nsôih ƀư jêh nkô̆ nau aơ. Nau ntrŭnh ntŭk ngih săm ƀŭt tơm geh 1hê  hiệu trưởng, 1 hê groi hiệu trưởng hôm ăp phân hiệu ri du phân hiệu geh pă du hê  groi hiệu trưởng."

Nău dŭt nkah lah ndrel đah nău n'hŭch rnoh âk ngih sam ƀŭt, nkô̆ nău ndơ̆ luh lah đăp mpăn nău ƀư bah ăp ngih sam ƀŭt mhe jêh nglăp nsum. Rnôk du ngih sam ƀŭt dơi geh âk ntŭk ngih sam ƀŭt êng, phân hiệu, nău tâm pă nai nti, mông nar pah kan bah cán bộ mât uănh n'hanh nău dơn kan rđău đă mbra jêr lơn. Bí thư n’gor  ủy Dak Lak Lương Nguyễn Minh Triết đă nău dăp rgum, nglăp nsum ngih sam ƀŭt mô dơi khuch tât kon hŏk. Ban Thường vụ n’gor ủy bôk năp tâm ban ŭch trong nchrăp yor UBND n'gor mbơh n'hanh đă ƀư lôch jêh bah năp lơ  30/8. Bah năp nar 12/8 an geh ntrŭnh nău săch hiệu trưởng, groi hiệu trưởng; nkre ƀư kloh nău pă gưl, pă nău dơi kan, nău dơn kan bâh cán bộ mât uănh ta ăp ngih sam ƀŭt lôch nglăp nsum, ngăn lah ăp ngih sam ƀŭt geh âk ntŭk ngih sam ƀŭt, phân hiệu. "An ƀư kloh nău pă gưl pă nău dơi kan hiệu trưởng hiệu phó ta ăp ntŭk kan nglăp nsum mhe. Bah năp nơh  hiệu trưởng knŭng leo kan  1 ngih sam ƀŭt dơm, aƀaơ geh 5 ntŭk ngih sam ƀŭt geh 5 phân hiệu ri mông nar n'hŭch ntĭm nti ta ăp ngih sam ƀŭt mhâm ƀư gay mkra nău mô tŏng nai ntĭm nti. Nai ntĭm nti mbra hăn ăp ntŭk phân hiệu tâm ndrel du ngih sam ƀŭt bah 1 xă ri an dăp rgum mhâm ƀư an tâm di, ri nkô̆ nău aơ lah nău dơi kan, pă gưl pă nău dơi kan n'hanh nău dơi leo kan bah hiệu trưởng."

Kơt nĕ, dăp rgum ntŭk ntĭm nti ta Dak Lak mô knŭng lah n'hŭch rnoh ntŭk ntĭm nti. Ta bah kơi ăp rnoh mrô lah nău đă dăp rgum tay nău mât uănh, tâm pă nai nti n'hanh đăp mpăn nău nti an kon hŏk.