Ta rƀŭn nchră, druh ndăm Gia Lai dăn đă âk trong nkra geh tât nău kan, ntơm njêng nău kan, rgâl mrô n'hanh hun hao pâl nđaih. Ăp nău rgop rgum tâm wăch rgum nuĭh kan công nghệ thông tin sĭt nkual jêr jŏt; nta joi nău kan ta ntŭk, pơk hvi tơm prăk manh kơl an druh ndăm ntơm njêng nău kan; hun hao pâl nđaih bri - dak lêng; rgâl mrô tâm nău kan tuch tăm n'hanh mât ndray ntŭk ntô văn hóa chĭng gông nkre đah nău rêh jêng nâp nâl. Du đê̆ nău dăn đă sŏk dŏng ntŭk ntô ndơ dŏng hành chính gay ntop kơl druh ndăm rdâk njêng nău kan. Kruanh UBND n'gor Gia Lai Phạm Anh Tuấn dăn đă druh ndăm ntik n'hao nău khlay kan lor bôk năp tâm khoa học - công nghệ, rgâl mbrô, lor nchrăp ƀư tơm công nghệ mhe, tâm nĕ geh nău mĭn kon nuĭh ƀư; nkre nănh rdâk njêng nău kan, mât dŏng săk rnglăy rêng rnoh khlay "yôk bri - dak lêng - n'har bri - ndrâm dak lêng".