Aơ lah rơh hăn khâl bôk năp bah Tổng Bí thư, Kruanh dak Tô Lâm tât bar dak tâm nau kan mhe, nkre lah rơh hăn khâl bôk năp bah rđau kan tơm bah dak he jêh rnôk Việt Nam n'hao nau tâm boh kan nsum ăp ntil đah Australia ndrel New Zealand. Rơh tât khâl gay ma ƀư na nê̆ nău ntrŭnh nchră nău đah dak bah dih bâh Đại hội Đảng lam dak tal XIV, ntop ndơ̆ nău tâm boh đah ăp dak kan ndrel hăn lăp jru, săk rnglăy n'hanh nâp nâl. Nău tơm rơh tât khâl gay ma nâp nâl nău knơm chính trị ta gâl têh ngăn, njêng nău nsrôih mhe mbơh tơih nău tâm boh kan ndrel lĕ rngôch n'hanh mpŏng ăp nău kan khlăy tâm kơl let năp tay. Nkre, aơ kŏ lah rnôk gay rđau kan ăp ding tâm nchră mpeh ăp nau kan tâm nkuăl, lam ntur neh ndrel uănh khlay; n'hao nau tâm rgop tâm ăp nau kan âk ding, rgop nau ân nau đăp mpăn, nâp nâl ndrel hun hao jŏ jong    tâm nkuăl Nam Thái Bình Dương kŏ kơt lah lam ntur neh đŏng