Lvang 2022-2026, n’gor Dak Lak geh 60 nău kan khoa học, công nghệ gưl n’gor dơi uănh sŏk dŏng, jao an kơt dŏng. Du đêt jêh mĭn njêng lĕ dơi ndơ̆ tâm nău ngăn, rgop hun hao lŏ mir công nghệ mhe, nkret njêng ndơ lŏ mir, dak si, rgâl mrô, mât ndrăy gen n’hanh mât chăm săk soan nsum mpôl. Ntrong ƀư boăt nthoi đah Ngih dak, nuĭh khoa học n’hanh doanh nghiệp kơt ƀư du đêt nău nchrăp ƀư kơt dŏng geh âk ntil ndơ sầu riêng, hun hao dak si, uănh ntil bum mhe n’hanh mât tăm sêt dak si ta nâm bri.

Yơn lah, nău jao an, tăch rgâl săk rnglăy mĭn njêng hôm e đêt; trong ƀư mât uănh, trok prăk ăp nău kan khoa học hôm e âk nău jêr. Ta rơh rƀŭn, kruanh UBND n’gor Dak Lak đă n’gâng kan khoa học n’hanh Công nghệ kơp uănh tay ngăch jêh ăp nău kan, uănh lah ngăn ngên săk rnglăy kơt dŏng jêh uănh sŏk dŏng; săch ăp săk rnglăy mĭn njêng dơi an pơk hvi, tăch rgâl, ndôp nău ƀư mĭn njêng đah nău ŭch hun hao bah n’gor tĭng nuih n’hâm Nghị quyết 57 bah Bộ Chính trị. Đah ăp wăk kol mpeh trong ƀư, samƀŭt, n’gor đă ndăn kơp uănh gay koh n’hŭch đêt ngăn 50% ăp nău ntrŭnh mpeh nău dơi mkra bah n’gor.