Aơ lah hăn khâl lor bôk năp bah Kruanh rđău kan dŭt têh bah Việt Nam tât New Zealand lôch rnôk bar dak ntơm n’hao têh tâm boh bar ding hao Tâm boh têh jong lam lĕ rngôch tâm năm 2025 nkhêp nkah ndray 50 năm njêng tâm boh, tâm rnôk tâm boh bar dak dôl hun hao uĕh, đăp mpăn nsing ta nău nsing nơm chính trị âk n’hanh nuih n’hâm têh jong đah bar dak nar lơn ma rdâk nâp.

Hăn khâl lah rjăp trong kan mô rgâl bah Việt Nam uănh tâm boh đah New Zealand – du dak băl tâm boh dêh bên, săk geh âk ta nkual Nam Thái Bình Dương, nkre lah jâng ntơm khlay n’hao tâm boh têh jong lam lĕ rngôch đah Việt Nam n’hanh New Zealand hun hao dăng, ngăn ngăn n’hanh nsĭt geh nău tam lơn tâm rơh mhe. Nchrăp tâm 2 nar, Tổng Bí thư, Kruanh dak Tô Lâm mbra rgum nchră đah Toàn quyền New Zealand Cindy Kiro; Rgum nchră đah Thủ tướng Christopher Luoxon; Ôp srĭng nău Kruanh Quốc hội NewZaeland; Râng n’hanh lah ta Rgum nchră ntĭm nti đại học n’hanh Ntĭm nti nău kan Việt Nam-New Zealand; Mâp cán bộ, nuĭh kan Đại sứ quán n’hanh nuĭh Việt Nam ta New Zealand.