Dak Lak rƀŏng tât 75.000 ha cà phê nâp nâl, tâm di đah rgâl trôk nar mih sial.
Thứ sáu, 09:42, 30/10/2026
vovtaynguyen
vovtaynguyen
VOV.M'nông: Kêng măng 29/10, ta Buôn Ma Thuột, UBND n'gor Dak Lak n'hanh Văn phòng ntơh măt Rmôt kan Stichting IDH (Hà Lan) ta Việt Nam ký ton siƀŭt nchih nkah tâm boh mbơh ƀư Bôk nău kan cà phê nâp nâl tâm di đah rgâl trôk nar lvang năm 2026–2030.
N'gor Dak Lak aƀaơ geh nklăp 220.000 ha cà phê, rnoh âk geh rlău 580.000 tấn ăp năm. N'gâng kan dja nsĭt geh prăk tăch n'gluh nklăp 900 rkeh USD/năm. Yơn lah, nklăp 90% rnoh neh cà phê yor ăp rnăk ƀon lan kan lŏ mir mât uănh, ndơ̆ luh nău đă dăp rgum nkra njêng, n'hao săk kah n'hanh kloh rvah tu tơm gay mât dơi tâm rlong ta ntŭk tăch rgâl lam ntŭr neh. Lvang năm 2021–2025, bah bôk nău kan Cảnh quan nâp nâl, IDH kan nsum đah ăp nuĭh tâm boh ƀư âk nău kan ta Dak Lak, đah nkual cà phê geh rlău 91.500 ha n'hanh rlău 75.000 rnăk ƀon lan dơi geh. Lvang năm 2026–2030, bar ding rƀŏng tât rdâk njêng nkual cà phê nâp nâl tay nklăp 75.000 ha ta Dak Lak.
Viết bình luận