Nar 9/11/1946, ta Rơh hop tâl bar, Quốc hội khóa I hŏ n'gluh an dŏng bản Hiến pháp bôk năp bah dak Việt Nam Dân chủ Cộng hòa, ntơm du njuat hun hao khlay tâm lịch sử lập hiến, lập pháp bah neh dak. Hiến pháp năm 1946 luh, lah rjăp jâng nsing đăp mpăn, ƀư tơm neh dak, ntrŏng năl ăp nkô̆ nău tơm mpeh dăp rgum n'hanh pah kan bah nhih pah kan ngih dak, nkre nchih nkah ăp nău dơi n'hanh nău dơn kan tơm bah nuĭh ƀon lan. Hiến pháp năm 1946 mpơl nău mĭn ueh mhe mpeh rdâk njêng ngih dak bâh ƀon lan, n'hao nău dơi ƀư tơm bâh ƀon lan, nău dơi đăp mpăn, ƀon lan ƀư tơm n'hanh nău way tâm ban ta năp pháp luật. Rlet rlău 80 năm, ndrel đah rnôk rdâk njêng, mât n'hanh hun hao neh dak, ntrong kan pháp luật Việt Nam mô rlu geh ƀư lôch, tâm di nău ŭch mât uănh ngih dak, hun hao wăng sa - rêh jêng n'hanh lăp kan ndrel đah lam ntur neh. Ăp nău khlay mpeh đăp mpăn rnoi nuĭh, nău dơi ƀư tơm bah ƀon lan, đăp mpăn nău dơi kon nuĭh, nău dơi nuĭh ƀon lan n'hanh ƀư tơm nău dơi ngih dak tĭng Hiến pháp dơi mât tay, hun hao tâm ăp bản Hiến pháp rlău ăp rơh