Jêh ƀư wơt, 2 nuĭh kruanh rđău kan lĕ ƀư tâm nchră. Kruanh Quốc hội Trần Thanh Mẫn mbah rhơn n’hanh lah rjăp, rơh khâl na nê̆ dak bah dih bôk năp bah đồng chí Sonexay Siphandone ta nău ƀư Kruanh Quốc hội Lào mbra rgop nâp nâl nsing nơm chính trị, n’hao kan ndrel đah 2 ngih pah kan ndâk njêng pháp luật n’hanh ntrôl tâm boh dăch dêh, tâm rnglăp têh, kan ndrel lĕ rngôch, krêp dêh Việt Nam-Lào.

Lah rjăp kan ndrel nghị viện lah du n’gâng tơm khlay lĕ rngôch tâm boh Việt Nam-Lào, rgâl na nê̆ ăp nău ntrŭnh, trong rƀŏng n’hanh tâm ton bah kruanh gưl prêh 2 Đảng, 2 dak, 2 nuĭh kruanh tâm ban ŭch ntrôl tay kan ndrel đah 2 Quốc hội; n’hao tâm rgâl nău blău ơm ndâk njêng, lôch jêh trong pháp luật, n’gâng tơm ƀĭt joet neh dak, nău kan bah n’gâng kan ta ntŭk, kơt trong kan groi nđôi nău ƀư tĭng ăp tâm ton gưl prêh n’hanh ăp bôk nău kan, nău nchrăp ƀư khlay đah 2 dak.