Ta ntŭk ngih nti 3, phân hiệu 1, Ngih săm ƀŭt Tiểu học Tây Nha Trang, n'gor Khánh Hòa, kon hŏk gŭ ngai hôm e sĭt jay tâm kêng măng nar prao ăp pơh, jêh nĕ mê̆ bơ̆ ndơ̆ ăp oh tât ntŭk tơm gay nti môn Tin học. Ntŭk ngih sam ƀŭt bah phân hiệu 1 mô hŏ geh jrô măy vi tính, ƀư nău ƀư ntĭm nti đah ăp ntŭk mô hŏ tâm ban. Kon hŏk ta aơ kŏ đê̆ geh nău dơi râng ăp nău kan ƀư nău kan kơt kon hŏk ta phân hiệu tơm mô lah ta ngih samƀŭt tơm. Wa Nguyễn Thị Dung, me kon hŏk jrô 4, phân hiệu 1, Ngih sam ƀŭt Tiểu học Tây Nha Trang nkoch nău mô dơi: "An hăn ntơm bah ntŭk ngih samƀŭt aơ rlău ntŭk ngih samƀŭt tơm mơ geh jrô nti" măy vi tính gay ma nti. Ntŭk geh mê̆ bơ̆ kon hŏk dŭt ngai gay ma kâp măng tât du mông 30 mnĭt ndơ̆ kon hăn ta nĕ nti. Tâm rnôk nĕ lĕ nti bán trú yơn nar puăn ăp pơh an wơt kon sĭt kơt nĕ. Lah nsum nău kan mbra mô dơi tâm ban đah ăp mon ta ntŭk ngih nti tơm, ndơ dŏng kơt nê đŏng".

 Nglăp nsum kơl n'hŭch ntŭk mât uănh yơn mô hŏ tâm ban đah nău dơh uĕh đŏng ntĭm nti đah ăp ntŭk ngih samƀŭt dơi đăp mpăn tâm ban. Rnôk ntŭk ntô ndơ dŏng mô hŏ tŏng ăp tĭng nău đă, kon hŏk hôm nha geh nău mô tŏng, hôm mê̆ bơ̆ an geh ndơn tay nău kan ndơ̆ vơt. Ngih sam ƀŭt Tiểu học Tây Nha Trang geh njêng bâh nău nglăp nsum 7 ngih sam ƀŭt, geh 1 ngih sămƀŭt tơm ndrel 6 phân hiệu, đah 198 jrô, bơi tât 7.400 kon se nti. Ngih săm ƀŭt THCS Tây Nha Trang geh njêng bâh 6 ngih nti, đah bơi tât 5.400 kon hoc.

Nău nglăp nsum bôk năp kơl tâm ban ŭch trong nchrăp, nău ntrŭnh n'hanh tâm pă nău kan nău kan. Yơn lah, rnoh âk hang rhiăng jrô nti, ăp phân hiệu gŭ ngai ndrel đah nău êng đah ntŭk ntô ndơ dŏng, nău mha êng kon hŏk ƀư pah kan rđău đă mâp âk jêr jŏt. Ban giám hiệu ân rong an âk mông nar tâm pă nău kan đah ăp ntŭk, tâm rnôk uănh nđôi nău way kan, nti n'hanh gĭt nu nău nai ntĭm, kon hŏk hŭch đêt. Mât uănh ma samƀŭt, mbơh tơih trực tuyến mô dơi rgâl lĕ rngôch nău kan na nê̆ tĭng groi nđôi nău kan ta ăp ngih sam ƀŭt, lơn lah nău saơ n'hanh ntop kơl ngăch ndăn ăp kon hŏk an mât uănh. Ntơm bah nău ngăn geh dja, UBND phường Tây Nha Trang dăn đă tăch ngih săm ƀŭt Tiểu học ndrel ngih săm ƀŭt THCS Tây Nha Trang, du gưl jêng 2 ngih săm ƀŭt độc lập. Wa Nguyễn Công Danh, Groi Kruanh UBND phường Tây Nha Trang, nău mbơh: "Ăp kon se nti Trung học cơ sở dôl rơh têh jêng, nai ntĭm ân grêt dăch"  kon se nti ta ngih sam ƀŭt. Nklăp 70-80 jrô, rnoh âk kơt nĕ, mât uănh dơh lơn. Đah Tiểu học, du Hiệu phó lŏ dôl mât 1 phân hiệu, ân mât 4 ntŭk ngih sam ƀŭt. 4 ntŭk ngih samƀŭt nê ntŭk geh tâm dăch, tâm ƀah. Kơt ta aơ, mpeh Hòn Nghê hôm nha geh đŏng rlet rlău 1 n'glău dak. Mô dơi mât uănh lĕ, mpeh jŏ, mpeh ngai lah mô đăp mpăn".

 Khay 8/2026, n'gor Khánh Hòa rdâk njêng trong nchrăp dăp rgum nhih nti, mbơh tơih n'hanh dăn nău rgop Ban Thường vụ Tỉnh ủy. Lôch dăp rgum, rnoh ntŭk ngih sam ƀŭt hŭch đêt tât 66%. Yơn lah, lam n'gor hôm geh 18 ngih sam ƀŭt têh rlău 100 jrô, lơn âk ta ăp nkuăl ƀon têh âk nŭih. Jêh bar khay leo dŏng, du đê̆ nkuăl lĕ đă nglăp nsum ngih samƀŭt 5 gưl têh jêng âk ngih sam ƀŭt mô lah njêng tay phân hiệu. Aƀaơ N’gâng kan ntĭm nti n'gor Khánh Hòa dôl rgum nău rgop, dăn đă bah ăp ntŭk gay ôp uănh tay ăp ngih samƀŭt têh, geh âk phân hiệu, ntŭk ntĭm nti n'hanh ntŭk mât uănh âk, bah nĕ tâm ôp tâm nchră trong mkra tâm di.