Kêng măng 3/11, ta ntŭk kan Chính phủ, Thủ tướng Chính phủ Lê Minh Hưng tâm nchră ma Kruanh Quốc hội Lào Sonexay Siphandone ndrel Rmôt kan gưl prêh Quốc hội Lào di rnôk khâl ngăn Việt Nam. Thủ tướng Lê Minh Hưng lah rjăp, rơh khâl rgop nau ƀư nâp nau tâm rnơm chính trị, n’hao nau tâm boh đah rđau kan bar dak ndrel ntrŭt dăng tâm boh đah bar Quốc hội. Thủ tướng lah rjăp, Việt Nam mro kơl an prêh ngăn ân nau tâm boh Lào; nkre tâm rgop rjăp ngăn đah Chính phủ ndrel ăp ntŭk kan geh tât bah Lào ntrŭnh ƀư ân tam ăp nau nchrăp hŏ geh tâm ban.

Bar ding tâm ban nau nsôih mhe tâm nau tâm boh văng sa, tăch rgâl ndrel ntuh kơl; ntrŭt dăng nau nthoi gung trong hăn, ŭnh nar, ntrơn rgâl mrô, hun hao tu tơm ndrel n’hao lơn nau tâm n’ur ƀon lan. Bar dak kŏ mra tâm rgop ƀư ân tam ăp nau kan tâm “Năm tâm rnglăp tâm boh Việt Nam-Lào 2027”. Kruanh Quốc hội Lào Sonexay Sinphandone lah rjăp, Quốc hội Lào mra lŏ tâm rgop rjăp đah Quốc hội Việt Nam, rgop nau ntrŭt dăng tâm boh kan nsum têh, tâm rnglăp khlay, tâm boh ăp ntil ndrel tâm rnglăp nsum ma nau ntrŭt dăng đah bar dak nar lơn ma hun hao nâp nâl./.