Dak Lak pơk hvi dơi hun hao an ƀon lan tă bah nău rgâl mrô
Thứ sáu, 14:30, 09/10/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Nar (8/10), ta Tuy Hòa, UBND n'gor Dak Lak ƀư Nău ƀư rƀŏng tĭng Nar rgum Rgâl mhe mĭn ƀư mhe gưl neh dak n'hanh Nar rgâl mbrô gưl neh dak năm 2026 đah bôk nău "Rgâl mhe mĭn ƀư mhe n'hanh rgâl mbrô tâm rêng rnoh khlay bah mât rong, nkret njêng n'hanh hun hao nâp nâl tui ka n'gor Dak Lak".
Ntŭk rgum tơm ta nău ƀư lah kuăl brah rgŏ jă mbơh ƀư rlong 4 trong ntĭt leo Ntrong leo "Ƀon lan tiăr nti mrô", geh: "Nuĭh ƀon lan mbrô ntoh lư", "Thôn, ƀon, nkual ƀon têh mbrô ntoh lư", "Ƀon lan mbrô - ƀư geh ndrŏng bah công nghệ" n'hanh "Thôn, ƀon mbrô - nkual rnoi mpôl đê̆".
Nău ƀư aơ rƀŏng tât nău ŭch mbơh gĭt nău blău mrô, kơl nuĭh ƀon lan nkual jru, nkual ngai n'hanh ƀon lan rnoi mpôl đê̆ lor nchrăp tât đah công nghệ, nău rhŏ nsum trực tuyến n'hanh n'hao nău rêh. Bah meng nĕ, bôk nău kan hôm ƀư tâm nchră khoa học, tâm nchră nkô̆ nău mpeh dŏng công nghệ mhe, rgâl luh êng, mĭn njêng mhe, joi tu tơm tâm rêng rnoh khlay tui ka, ndrel ntŭk pla n'hơ, nkoch mbơh âk trong mkra, ndơ công nghệ mhe.
Viết bình luận