Tĭng nê, trong nchrăp pơk hvi tay jâng gung hao 24,75m, rdâk njêng lôch jêh 4 mbor ndeh trong hăn têh ngăch, geh mbor rlu ndeh ngăch ndal na nao, rnoh ngăch rdâk njêng 100 km/h. Nău rgâl gay ntuh kơl tâm ban, n'hao nău dơi dŏng n'hanh săk rnglăy dŏng jŏ jong bah trong hăn. Trong nchrăp geh dĭng lĕ jong nklăp 74 km, ntŭk bôk ta phường 1 - Bảo Lộc, nthoi đah trong hăn têh ngăch Tân Phú - Bảo Lộc; ntŭk dŭt ta xã Hiệp Thạnh, nthoi đah trong hăn têh ngăch Liên Khương - Prenn. Ndrel đah pơk hvi rnoh hvi, trong nchrăp ntop tay ntung Gia Hiệp n'hanh ndơ dŏng ƀon lan, n'hao dơi boăt nthoi ntung trong n'hanh rhŏ dŏng nău hăn nsong bah nuĭh ƀon lan. Đah ăp nău rgâl dja, lĕ rngôch rnoh ntuh kơl trong hăn têh ngăch Bảo Lộc - Liên Khương hao bơi 19.000 rmen prăk. Tâm nê, tơm prăk ngân sách ngih dak âk rlău 47%, hôm ƀa ƀă lah tơm prăk tă bah nuĭh ntuh kơl rgum. Rnoh ngăch ƀư tĭng nău nchrăp ƀư dơi rgâl đŏng, nchrăp an ndeh rlong hăn tâm sĭn khay 2028, lôch jêh n'hanh ndơ̆ an dŏng tâm  pe khay dŭt năm 2028. Rnôk lôch jêh, trong hăn têh ngăch Bảo Lộc - Liên Khương mbra njêng trong hăn ngăch nthoi đah nkual Đông Nam Bộ n'hanh nkual cao nguyên Lâm Đồng, ntrŭt ntrôl hun hao wăng sa, pâl nđaih n'hanh wăch rgum ntuh kơl.