VOV.M’nông - Lôch n’glăp nsum, Dak Lak jêng n’gor geh ntŭk pâl nđaih dŭt têh hvi ntoch jong bah bri neh Tây Nguyên jŭr tât nkual duyên hải Nam Trung Bộ, ntoh lư mpeh cà phê, sầu riêng, rveh Bản Đôn, dak me hoch rlơ̆, neh guh bazan uĕh êng n’hanh ăp kuel dak lêng lhêt lhơt. Nău nthoi bri n’hanh dak lêng pơk luh âk nău mpŏng mpeh du bôk hun hao pâl nđaih mhe bah nkual, rgop ƀư jêng ngăn ngăn an hun hao bah n’gor. Yơn lah, bah kơi nău dơh geh nê, ăp kô̆ yơn kol khan n’hanh nău khoah mô dơi bah pâl nđaih bah n’gor nha hôm mpơl geh đŏng ƀư n’gâng kan wăng sa khlay dja geh ma nău tŭp tâm trong jê̆ rbăn ntoch jong. Nău wơl geh pâl nđaih em bri – chŏnh dak lêng bah Dak Lak mbra geh koh nsêk tă bah ntung trong mô uĕh, ƀư jêng n’gor “ngai nkah- dăch miăk”

VOV.M’nông - Ta nkual neh Tây Nguyên têh hvi, nău nteh chĭng gong bâh jŏ lĕ jêng ndơ nteh bên ndrel đah nău rêh nău mĭn bâh ƀon lan Ba Na. ăp nău tâm pât ueh hêr, rvên jên nĕ mô dơn nkoch nău rêh nău kan ma hôm nha geh âk nău ueh êng bâh lĕ du mpôl rnoi. Tâm njăr trong mât rbăy ăp nău ueh khlăy nĕ, bu gru Đinh Hdot ta ƀon Đăk Pơkao, xã Tơ Tung, n’gor Gia Lai geh âk nuĭh nkah tât kơt du hê nuĭh mât uănh kan jăp bâh ƀon lan. Bu gru Đinh Hdot lĕ geh âk năm nsrôih gay ma njêng n’hanh mât ăp rmôt tur chĭng, tâm pât. Đah nău rŏng têh đah nău ueh eneg mpôl rnoi, wa ntop mât rbăy nău ueh chĭng gong, nău tâm pât. Đah nău rŏng ueh bâh rnoi nơm, wa ntop mât rbăy nău ueh chĭng gong nău tâm pât n’hanh trĕ lam nău rhơn n’hao mpeh nău ueh êng Bana ta nklang nău rêh aƀaơ.

VOV.M'nông - Tâm ntŭk khuh n’gôr n’gloh lam chĭng gong nklang nkual ƀon têh yôk yang Pleiku, Gia Lai, ăp ndăch rvăch jôn rbăn, ndrănh yăng kah hâr n’hanh nău way ơm bah nuĭh Jarai hŏ rlai lăp nsum njêng păng rup văn hóa Tây Nguyên săk ntơr âk săk tơm. Nău chĭng gong “Kêng dŭt pơh – nklân djăt n’hanh rlong saơ” mô dơn nsĭt tât săk ntơr lễ hội uĕh êng ma hôm jêng ntung njŏ gay wăch rgum năch joi gĭt, nklân năl n’hanh ndrel mât ndray ntŭk văn hóa chĭng gong Tây Nguyên.

VOV.M'nông - Ta phường Buôn Ma Thuột, n’gor Dak Lak ƀư tâm nchră sŏk nău rgop mpeh Đề án hun hao pâl nđaih lvang năm 2026–2030, uănh ngai tât năm 2050.

VOV.M'nông:Ta Đà Lạt, Rnâng kan leo kan Giáo hội Phật giáo Việt Nam n’gor Lâm Đồng tâm rgop đah rnâng kan Văn hoá Trung ương Giáo hội phật giáo Việt Nam ntơm pơk nău kan vơt rhơn Đại lễ Phật đản Phật lịch 2570-Dương lịch năm 2026.

VOV.M'nông - Nklang nău rêh mhe aƀaơ, nuĭh Rđe ta xã Krông Năng, n’gor Dak Lak nha hôm mât ndray nău way ơm “broih rao” lôch tâp khĭt du rup uĕh văn hoá way ơm geh âk nkô̆ hôr khlay. Lam ƀon ndrel ŭm bôk n’hanh hăn gĭr tui ka mô dơn gay ma ƀư kloh săk jăn lôch tâp khĭt, ma hôm trong rthi nuih n’hâm nuĭh gŭ tay bah kơi lôch roh yot, rƀŏng tât nău rêh đăp mpăn, krêp dêh ƀon lan.

VOV.M'nông: Ta Lâm Đồng, ăp nău nteh chĭng gong, nău ueh ntơr bâh  ndơ tanh cheh, nău njroh way ơm n’hanh nău ueh êng bâh ƀon lan rnoi K’Ho, Mạ, Chu Ru, Bunong, Chăm...hôm nha geh lăp ndrel tâm nău rêh ăp nar. Nău ueh ntơr nĕ dôl ntoh tâm ƀon lan, mir ba tât nău pâl nđaih ntŭk rêh jêng.

VOV.M'nông - Kalơ chông yôk Nhạn, mpeh phường Tuy Hòa, n’gor Dak Lak, Tháp Nhạn mpơl ơm yău nklang nău rêh meng dak lêng. Mô dơn lah ntil jay mon Chămpa bơi rbăn năm, ta aơ hôm lah ntŭk gŭ rêh văn hóa, ôp brah lah yang n’hanh nău gŭ rêh way bên bah nuĭh ƀon lan đŏng, mpơl ăp nău rngân uĕh, huêng khlay n’hanh âk mpưm săk tơm văn hóa.

VOV.M'nông - Nkhêp nkah ndray 136 năm Nar deh Kruanh Hồ Chí Minh, mhe aơ, Hội Văn học Nghệ thuật n’gor Dak Lak kan nsum đah Trung đoàn Cảnh sát cơ động Tây Nguyên n’hanh Phân hiệu Nhih nti Đại học Luật Hà Nội ta Dak Lak ƀư rgum nchră “Ăp ndrôm siƀŭt nchih mpeh Kruanh Hồ Chí Minh n’hanh nău nđơr druh ndăm”.

VOV.M'nông: Di nkah 136 năm nar deh Kruanh Hồ Chí Minh, măng 19/5, ta ntŭk kan ƀư nau njroh mprơ Âu Cơ (Hà Nội), Báo Văn hoá tâm rgop nsum ma ăp mrôt kan geh tât ƀư Bôk nau kan njroh mprơ chính luận “Ang mro moh săk Wa”.