Festival dak lêng Khánh Hòa năm tât nchrăp geh bôk nău nsum lah "Puăn khay tâm rgop - Lĕ rngôch du nău nsing nơm". Ăp khay bah festival lŏ dơi rƀŏng tĭng bôk nău êng: "Năm mhe wơt dak lêng"; "Dak lêng kuăl khay rlu nti"; "Yan puh play njŭng"; n’hanh "Yan puh răm rgŏ năp”. Ăp yan, n'gor nchrăp săch du lễ hội mô lah nău kan ntoh lư ƀư ntŭk rgum tơm.

Nău ƀư Festival dak lêng wăr năm dơi mpŏng ŭch mô knŭng njêng suan wăch rgum an pâl nđaih ma hôm pơk hvi ntŭk mpla nsơ ăp rnoh khlay văn hóa, ntŭk ntô, ndơ geh ƀư ta ntŭk; ntrŭt nsôr doanh nghiệp n'hanh nsum mpôl râng mĭn njêng ndơ geh ƀư, rhŏ dŏng văn hóa nkre đah pâl nđaih. Năm aơ, Festival dak lêng Khánh Hòa ƀư khay 7 mhe rlău wăch rgum nklăp 800.000 tơ̆ năch, nsĭt geh pâl nđaih nchroh geh rlău 1.300 rmen prăk.