Tĭng Nghị quyết bah Chính phủ, nuĭh ƀon Trung Quốc ndjôt hộ chiếu phổ thông hôm geh tam dŏng dơi an lăp dơm rnôk hăn tĭng mpôl bah 2 hê let lơ, râng nău kan pâl nđaih klŭp mô rlău 30 nar tă bah doanh nghiệp leo hăn pâl jong nar dak bah dih bah Việt Nam leo ƀư.

Năch ân mpăr sŏng bah Trung Quốc neh kơh tât Ndrâm ndeh păr hăn dak bah dih Cam Ranh, nkre lăp n’hanh luh ndrel du mpông n’har bri. Trong kơl dơi tĭng ƀư tât lĕ nar 31/12/2027, tâm trôm Năm tâm boh pâl nđaih Việt Nam – Trung Quốc 2026–2027. N’gâng kan pâl nđaih Khánh Hòa mpŏng trong an lăp dơm mbra nta trong dơh an doanh nghiệp rdâk njêng tour klŭp, buăt nthoi băl tâm boh n’hanh mât dŏng ăp trong mpăr sŏng bah Trung Quốc neh kơh tât Cam Ranh. Bah nê, n’gor geh tay trong ntuh kơl wăch rgum năch tâm ăp khay kêng dŭt năm 2026 n’hanh năm 2027, ntrŭt ntrôl nău kan manh gŭ nde, hăn pâl jong nar n’hanh ăp ndơ rhŏ dŏng pâl nđaih.