Ƀư tĭng Nau ntrŭnh mrô 35 bah Chính phủ mpeh nau ƀư nơih lơn nau nkra săm ƀŭt ân geh pă mrô nkuăl tăm, ntơm dŭt khay 8 năm 2026 tât rnôk aơ, n’gor Gia Lai geh pă 81 mrô nkuăl tăm ndrel 2 ntŭk tâl dŭng. Tât rnôk aơ, rnoh neh kơl an nau tăm gay ma tăch luh dak ba dih geh rlau 12.700 ha. Ndrel ma nê, n’gor kŏ geh rlau 60 rnoh mrô tâm ntŭk tât dŭng kơl an nau kan tăch luh dak ba dih đah rnoh dăng dơi geh 3.600-3.800 tấn play ndrih ăp nar.

Gay kơl an nau kan pă mrô nkuăl tăm, n’gor Gia Lai rgum geh nklăp 7.350 ha cà phê bah rlau 5.200 rnăk ndrel bơi tât 970 ha sầu riêng bah 712 rnăk, gay ntrŭt dăng năch nau pă mrô nkuăl tăm tâm rơh tât, N’gâng kan tuch tăm ndrel ntŭk ntu n’gor Gia Lai lŏ ƀư ân dơi tĭng nau kan lôch lĕ trong, kơl an ăp ntŭk geh rnoh mrô neh ntu tŏng ăp, kơp nâp kloh ăp nkuăl neh tăm jê̆ ndrel ntop tay ăp gưl tâm nkuăl geh rnoh neh têh lơn, nau geh tât neh ntu hôm jêr nkol./.