Tâm rơh dja, UNICEF ntop kơl 450 rbâng đâng dak têh 1.000 lít an nuĭh ƀon lan ta 3 xã Ea Phê, Cư Pui n’hanh Krông Pắk, n’gor Dak Lak. Nuĭh dơi ntop kơl lah ăp rnăk mô tŏng tơm dak kloh rsang an ngêt sa. Bôk nău kan an lor rnăk ach o, dăch kêng ach o, rnăk tă bah bu ur ƀư tơm n’hanh rnăk geh kon se, lơn lah kon se quet nte. Ndrel đah ntop kơl ăp rnăk, bôk nău kan hôm mĭn uănh kơl rbâng đâng dak an ăp ntŭk nhih nti geh nău ŭch ngăn ngăn, rgop tŏng ăp tơm dak dŏng an kon se n’hanh nai ntĭm đŏng. Nău kơl rbâng dak dơi an ƀư tâm rnôk ăp n’gor dôl lor nchrăp trong rdâng lơh geh ma nău duh phang, mô tŏng dak rêh đŏng lơn lah khay wai 2026-2027.