Tâm nchră dơi pơk ƀoh sŏng dăng bah xã Phú Thiện tât ăp xã, phường: Ayun Pa, Ia Rbol, Ia Sao, Pờ Tó, Ia Pa, Ia Tul, Phú Túc, Ia Dreh, Ia Rsai, Uar, nta trong dơh gay âk mpưm cử tri râng, nkoch nău ŭch rŏng, mpŏng geh n’hanh dăn đă tât Quốc hội, ăp nhih pah kan Trung ương n'hanh n’gor.

Cử tri ăp xã, phường hŏ nkoch âk nkô̆ nău mpeh nău rêh: nău nkra bah khuch khat an tay bah kơi, ntop kơl khuch khat lôch trôk nar lơh, nkra têh uĕh tay ntung trong mbluh rloh xã, nkra têh uĕh tay trong dak kloh rsang, nkra trong kơl an nuĭh kan rlu tĭng Nghị định 178. Bah meng ăp nkô̆ nău ƀon lan gŭ rêh, cử tri mpơl nău wĭ wĕ mpeh nău dăp rgum nhih pah kan đŏng. Nchih nkah nău rgop bah cử tri, Groi Kruanh Quốc hội Nguyễn Hồng Diên lah kloh, Trung ương mô geh trong nchrăp n’glăp tay ăp n’gor, xã. Uănh tĭng nău ŭch geh ngăn ngăn ma tĭng n’gor mbra mĭn uănh nău dăp rgum tay gưl xã an tâm di, geh nău tam lơn.