Ta rơh lễ, Đại tướng Nguyễn Trọng Nghĩa, Chủ nhiệm Tổng cục Chính trị Tahen ƀon lan Việt Nam, ndơn măt Kruanh Đảng, Ngih dak hŏ ntăm an săk ntơ Anh hùng lực lượng vũ trang nhân dân an Cục Tuyên huấn. Ntơh măt Quân ủy Trung ương, kruanh rđău kan Bộ Quốc phòng nhanh Tổng cục Chính trị, Đại tướng Nguyễn Trọng Nghĩa lah rjăp, 80 năm aơ, Cục Tuyên huấn way ƀư lôch jêh uĕh nău dơn kan tâm ôp tâm nchră gưl têh mpeh pah kan nău mĭn, văn hóa tâm lam tahen. Ăp năm tât, nô nău lam ntŭr neh, nkual nchroh mbơh tay rgâl ngăch, jêr jŏt, Đại tướng Nguyễn Trọng Nghĩa lah kloh, ăp mpôl rlăng, nsŭk nsôr rdôl lơh tay đah trong ƀư nar lơ jêr jŏt; ăp nkô̆ nău mhe ntoh luh tâm nău ngăn geh ndrel nău tât khuch bah mpet jâk wăng sa ntŭk tăch rgâl, mạng xã hội n'hanh ăp nkô̆ nău rnă njrăng mô way ơm ndơ̆ luh nău ŭch geh nar lơ âk đah pah kan nău mĭn, văn hóa tâm Tahen.