Hăn khâl ngăn dak Cộng hòa Dân chủ Nhân dân Lào bah Thủ tướng Lê Minh Hưng mô dơn êng lah nău kan tâm boh dak bah dih, ma hôm lah nău mpơl mpeh trong uănh jong, han săk n’hanh nău an ƀư lor dâk bôk năp bah trong tâm boh đah dak bah dih bah Việt Nam tâm rơh hun hao mhe.

Hăn khâl lah rnôk gay kruanh rđău kan bar dak tâm nkoch trong hăn jong n’hanh rƀŏng lor trong ăp nkô̆ nău nkual n’hanh lam ntŭr neh ndrel uănh khlay. Nău tâm ban ŭch n’hanh kan nsum đah Việt Nam n’hanh Lào ta ăp rgum nchră âk ding kơt ASEAN, Liên hợp quốc n’hanh ăp nău tâm boh tâm trôm tiểu vùng Mê Công rgop khlay tâm nău rdâk nâp nuih n’hâm tâm rnglăp tâm mpôl, đăp mpăn nău tam ngơi nsum n’hanh mât ntŭk gŭ rêh bah tâm lơh tâm su, đăp mpăn bah lam nkual. Hăn khâl bah Thủ tướng Lê Minh Hưng tât Lào lah njuat hăn nchrăp lor gay rgâl nău ton jêng nău dơi ngăn ngăn, pơk luh trong mhe an nău tâm boh ngăn ngăn, nsĭt geh nău dơi n’hanh jŏ jong đah bar dak, bar rnoi nuĭh.