Aơ lah rơh hăn khâl ngăn bôk năp bah Thủ tướng Lê Minh Hưng tât bar dak dăch dêh tâm nău kan rđău kan Chính phủ. Ta Lào, rơh khâl geh tâm rnôk dak aơ ƀư nâp nău rđău kan Chính phủ, pơk trong nơih gay bar Thủ tướng tâm nchră mpeh nău rƀŏng n’hanh ăp nău kan n'hao nău tâm boh tâm rơh mhe.

Ta Campuchia, rơh tât khâl geh 4 khay jêh rơh tât khâl ngăn Việt Nam bah Thủ tướng Hun Manet. Tâm rơh tât khâl, Thủ tướng Lê Minh Hưng mbra ndrel ntĭm rđău bar dak tâm nchră ăp nău kan ntrŭt dăng tâm boh, ngăn lah mpeh wăng sa, tăch rgâl, ntuh kơl, nthoi trong hăn, ntĭm nti ndrel tâm nđŭr ƀon lan. Rơh tât khâl rgop nău leo ăp nău ntrŭnh gưl prêh đah Việt Nam đah Lào ndrel Campuchia lăp tâm nău ngăn, săk tam lơn.