Lah ta Tâm nchră, wa Lâm Hải Giang, Groi Kruanh UBND n’gor Gia Lai lah rjăp Nghị quyết 57 bah Bộ Chính trị ntrŏng khoa học, công nghệ, rgâl blău njêng mhe n’hanh rgâl mbrô lah suan ntrôl glo tơm hun hao neh dak, dôl n’gluh lĕ ma trong dơh soih n’hanh dơn kan an nuĭh khoa học. N’gor Gia Lai ŭch rŏng dơi djăt nău rgop bah ăp nuĭh ntơh măt, lĕ mpeh ndơ geh ngăn ngăn bah Gia Lai n’hanh ăp rmoh rman mâp geh. Tâm trôm nar tâm nchrăp, ăp nuĭh ntơh măt râng ăp tơ̆ tâm rkhăch mpeh khoa học, tâm boh dak bah dih n’hanh tor luh lor trong kơl n’hanh ăp ntul rlong let năp tay; ŭnh nar hạt nhân n’hanh ăp njăr trong nchrăp rgâl ŭnh nar ta ăp dak wăng sa hun hao ngăch, tâm nê geh Việt Nam.