Lơ 14/10, Ta Hà Nội, tahen pe dak Việt Nam-Lào-Campuchia hŏ ntơm rơh rƀŭn ntĭm nti nsum mpeh nau kan njrăng rdâng dân sự năm 2026. Nau ntĭm nti rơh aơ geh nau dăng n’ăp ma rmôt tahen ndrel ndơ dŏng, đah nau râng bah rlau 2.600 nŭih ndrel rhiăng ndeh klư ndơ dŏng ƀư nau kan, tâm nê geh n’ăp ma ndeh mpăr kung, so ƀoi têl. Nkô̆ nau ntĭm nti geh 2 rơh: Ndâk ntŭk n’gâng kan rđau nau kan nsum ndrel jao nau kan, ƀư nau kan rgum nsum.

Rơh 2 lah rơh ƀư ngăn mpeh nau tât rdâng ma phŭt sial têh, đah ăp nkô̆ nau: Tât kơl an ƀon lan tâm ntŭk geh dak lip băm ndrel ntrŭnh nkra ndâk ngih dak si săm ji; rdâng kơl an bah ăp ntŭk geh chôt rlâm; rdâng đah nau tât mpeh hoch luh bah ăp ntil dak si khih...Nau ntĭm nti gay n’hao lơn tay nau rđau đă ndrel nau dơi tâm rgop, tâm rgum nsum đah tahen  pe dak  Việt Nam-Lào-Campuchia tâm nau tât kơl an nau tât khuch trôk nar lơh, nau tât khuch ndal, têh, tŏng dơi nau đă, nau kan njrăng rdâng tâm ƀon lan tâm ăp nau mhe tât./.