https://vov.vn/xa-hoi/vov-tay-nguyen-tuyen-dung-3-vien-chuc-lam-viec-tai-dak-lak-post1341425.vov

Ăp ntŭk săch kan geh: 1 hê bu klô viên chức bôk nau kan ntoh nau ngơi rnoi Rđe; 1 hê bu ur viên chức bôk nau kan ntoh nau ngơi rnoi Jarai; ndrel 1 phóng viên.

Mpeh nau dơi săch lăp kan, nŭih ân geh tŏng ăp nau dơi nsum tĭng nau ntrŭnh, tâm nê geh quốc tịch Việt Nam, săm ƀŭt nkoch mbơh kloh, nau dơi chính trị, nau rêh ueh, tŏng n'hâm soan ndrel geh văn bằng, chứng chỉ tâm di đah ntŭk kan.

Đah ntŭk kan răk rblang  nău ngơi Rđe, nău ngơi Jarai, nuĭh dâk tâm rlong ân tốt nghiệp đại học let lơ; gĭt blău răk, nchih nău ngơi rnoi mpôl đê̆ tâm ban, geh nău ngơi uĕh n'hanh dŏng uĕh nău ngơi Việt. Nuĭh dâk tâm rlong geh nău dơi nchih văn, nchih báo n'hanh dŏng ăp ứng dụng công nghệ rhŏ dŏng nkra njêng nkô̆ nău mrô ta internet, mạng xã hội dơi kơl lor.

Đah ntŭk kan phóng viên, nuĭh dâk tâm rlong an geh tốt nghiệp đại học let lơ, geh nău ngơi ueh, nău dơi nchih văn, nchih báo n'hanh tŏng đah nău ŭch dŏng công nghệ thông tin. Ăp nuĭh dâk tâm rlong geh nău blău bâh 1 năm let lơ tâm nău kan báo chí, truyền thông, biên dịch, biên tập mô lah ƀư ndơ̆ nău mhe ntoh ngơi, ntoh rup, ndơ̆ nău mhe mbrô geh kơl an.

Nau săch lăp nti geh: tâm rlong săch lăp, uănh năl.

Nar dơn hồ sơ tâm mông pah kan ntơm bah nar ngoăy tât nar prăm, ntơm bah nar 15/10 tât lĕ nar 30/10/2026. Nuĭh dăn njuăl Phiếu dăn râng sơch lăp nti tĭng sam ƀŭt mhe ngăn ta Jrô kan Hành chính - Tổng hợp, Nhih pah kan way gŭ kan nkual Tây Nguyên - Radio nău ngơi Việt Nam, mbrô 19A Lê Duẩn, phường Buôn Ma Thuột, ngor Dak Lak.

 Sŏk prăk râng săch lah 500.000 prăk/nŭih. Nŭih râng săch mô kâp njuăl tay ăp rnoh prăk êng bah dih rnoh prăk aơ. Sŏk prăk mô dơi mplơ̆ tay lah mô geh săch.

Nău mbơh na nê̆ tâm ôp đah wa Nguyễn Hữu Hùng, Kruanh jrô kan Hành chính - Tổng hợp, mbrô điện thoại: 0905.044.466.