Ta rơh wơt, Kruanh Quốc hội Trần Thanh Mẫn lah rjăp hăn khâl geh nkô̆ khlay, rgop ƀư jru hvi lơn đŏng tâm boh tâm rnglăp têh kuâng, tâm rnglăp mha êng, kan ndrel lĕ rngôch, krêp dêh têh jong Việt Nam - Lào. Kruanh Quốc hội Trần Thanh Mẫn lah rjăp ndrel đah nău hun hao uĕh bah tâm boh bar dak, tâm boh đah Quốc hội bar dak nar lơn ma dơi nâp nâl, mât rjăp, săk rnglăy. Bar hê nuĭh leo kan ŭch rŏng, Quốc hội Việt Nam n'hanh Quốc hội Lào tâm rgâl tay, tâm pă ăp nău tă ơm gĭt kan tâm nău ƀư tĭng nău kan lập pháp n'hanh uănh nđôi gâl têh; ndơ̆ tâm boh kan ndrel đah bar ntŭk kan lập pháp bar dak nar lơn ma geh săk rnglăy âk, ntop khlăy ta nău hun hao nsum bâh tâm boh bar Đảng, bar dak.