Ta rơh pah kan, kruanh rđău kan nkual ƀon têh Hà Nội hŏ mbơh du đêt trong nkra tĭng ƀư rnoh tât hun hao ntơm bah 11% let lơ năm 2026; uănh năl bôk năp nô nău ƀư jêng ngăn ngăn ăp nău dơi kan dơi jao tâm Luật Thủ đô n'hanh dăn đă, nsŏng kơl bah nkual ƀon têh đah Rơh hop tâl Bar, Quốc hội khóa XVI. Ntoh ngơi ta rơh pah kan, Tổng Bí thư, Kruanh dak Tô Lâm lah na nê̆, an geh ƀư na nê̆ ăp nău ntrŭnh bâh Đảng, n'hao nău dơi mât uănh hun hao neh dak; mĭn uănh ăp nău nchrăp kan tâm lĕ nău kơl kan; ntrŭnh dơh mpeh ntuh kơl an geh kơl an đah pháp luật, đah luật neh ntu, luật nchrăp kan n'hanh rdâk njêng tâm ban. Tổng Bí thư, Kruanh dak lah rjăp, ăp nau ntrŭnh mpeh nau nchrăp tơm prăk gay hun hao âk ân geh hăn nsum đah nau đăp mpăn ndrel n'hao nau rêh ƀon lan; ƀư ueh nau kan Thủ đô, tă bah nau ngăn Hà Nội gay rgop tâm nau ƀư jêh nau ntrŭnh nsum; lŏ mêt uănh nau tă geh dơi mêt uănh nau ƀư nau ton đah cử tri.