Tâm 9 khay bah năm 2026, nau kan văng sa tâm ăp xã, phường êp dak lêng Dak Lak mât tay đăp mpăn; tăch rgâl, rhŏ dŏng, pâl n’aih n'hanh sŏk dŏng, mât rong tui ka geh nău rgâl uĕh. Geh 09/15 ntŭk ƀư lôch jêh, rlău dơi nchrăp sŏk dŏng tơm prăk năm 2026. Geh 06 ntŭk mbrơi ngluh tơm prăk ntuh kơl nsum. Tâm nê, xã Tuy An Đông n'gluh 0%, xã Xuân Cảnh nklăp 30%, Xuân Lộc rlau 56,5% n'hanh phường Sông Cầu nklăp 57%.

 Yơn lah, tuch tăm, công nghiệp, ndâk ƀư ngih gŭ, mât uănh neh ntu, ndâk njêng, ntuh kơl hôm e âk jêr jŏt. Nău dăp rgum, nkra drăp ndơ nsum du rnoh ntŭk hôm e ntoh luh nău văk kol. Nău mô tŏng cán bộ vay kan, ntŭk kan gưl nkoch mbơh nau mhe mô hŏ tâm ban, dôl khuch tât nău uĕh, ngăch ƀư mkra nău kan, lơn lah tâm ăp ntil neh ntu, dăp rgum, rdâk njêng, prăk kaih. ngăn, ntuh kơl n'hanh nkoch mbơh ăp nau mhe.

Tâm 03 khay dŭt năm 2026, rnoh nău kan hôm ƀa ƀă âk, lơn lah nkô̆ nău ngân ăp tơm prăk, ƀư lôch jêh nău kan, nău nchrăp ƀư. Tâm rnôk 3 khay dŭt năm kŏ lah âk đŏng ntŭk khay mih phŭt sial, mbra khuch tât rnoh ngăch ƀư, yor kơt nê̆ lah mô geh nău nchrăp ƀư jê̆ ri mbra jêr dơi geh ăp rnoh tât hun hao.

Ta rƀŭn nchră, ăp ntŭk an gĭt lĕ uănh năl nău kan, trong mkra ƀư tĭng, aƀaơ tĭng ăp khay tâm 3 khay dŭt năm n'hanh dôl tĭng groi n’ôi, ƀư lôch jêh trong nchrăp n'hao tay kruanh. Kruanh UBND n'gor Dak Lak Đỗ Hữu Huy lah rjăp, êng uănh khlay ăp ntŭk ri Phường hôm rnoh khlay ndơ geh ƀư âk ân ƀư ân geh trong nkra na nê̆, nau kan gay geh ăp nkô̆ nau hun hao. Wa mbơh mra kơp uănh KPI đah cán bộ dâk bôk năp, lơn lah Bí thư đảng ủy n'hanh kruanh UBND gưl xã.“Gay đăp mpăn ƀư lôch jêh 10 rnoh tât hun hao bah 3 khay dŭt năm, ăp ntŭk nkuăl ân kơp uănh tĭng rnoh ndrel jao nau kan ân tĭng cán bộ, nchih kloh mông nar ƀư lôch jêh ăp nău kan. Sở Nội vụ sŏk rnoh mrô 10 nău mpŏng kan aơ n'hanh du đêt nău mpŏng kan êng gay rgum, ndơ̆ an Kruanh UBND n'gor ký an dŏng nau kan ƀư KPI bah 3 khay dŭt năm bah ăp đồng chí Kruanh ủy ban nhân dân ăp xã, phường”.

 Bah năp nau tât bah mih dak lip ăp khay dŭt năm 2026, ăp nkuăl mpeh mper dak lêng n'gor Dak Lak lĕ rgum rmôt kan ta ntŭk n'hanh uănh nđôi nkual geh tât rnoh khuch khat têh gay geh trong nchrăp ntrơn ƀon lan ntơm bah ơm. Ăp xã, phường kŏ nchrăp mât đăp mpăn ntŭk mât rong tui ka ta dak lêng n'hanh gôl dak; đăp mpăn mât đăp mpăn an duk mpan.

 Kruanh rđau kan UBND n'gor Dak Lak đă ăp ntŭk an nchih na nê̆ trong ƀư nău nchih na nê̆, nkoch kloh nău mbơh ăp rnăk dơi geh nău tât trôk nar lơh, ndeh klư ntrơn leo n'hanh ntŭk vơt dơn nuĭh ƀon lan sĭt, rjăp mô an geh nău tât ndal, mô năn ngăch./.