Geh 8 nău nchrăp luật lĕ geh rgum nchră, rgop nău, geh: Luật Đấu thầu (rgâl nkra); Luật Đấu giá drăp ndơ (rgâl nkra); Luật Ngih gŭ (rgâl nkra); Luật Hun hao ntŭk kan tăch rgâl jêt n’hanh dah găp; Luật rgâl nkra, ntop tay du đê̆ điều bah Luật tăch rgâl, Luật tâm rlong, Luật mât nău kan tăch rgâl bah dak bah dih, Luật mât nău dơi nŭih dŏng ndơ; Luật rgum rwăt, rgum dŏng drăp ndơ; Luật rgâl nkra, ntop tay du đê̆ điều bah Luật đăp mpăn, răk kloh ntŭk ntu pah kan; ndrel nău nchrăp Luật rgâl nkra, ntop tay du đê̆ điều bah ăp luật mpeh thể dục, thể thao, pâl nđaih, thư viện, điện ảnh, drăp ndơ ơm yău, mbơh nău, báo chí.

Dŭt njrăng lah mpeh trong nchrăp rgâl nkra, kơi ntop du đêt nkô̆ bah Luật đăp mpăn, kloh uĕh ntŭk gŭ rêh, ăp đại biểu dăn đă pơk hvi nuĭh râng bảo hiểm sôt rmanh pah kan, ji nău kan nchâp đă nkre đah trong kơl tâm di. Tĭng nê, ân gŭ mĭn nău ntrŭnh kloh tơm prăk ntop kơl rnoh rgop bah rmôt nuĭh pah kan mô geh tâm ton pah kan mpeh rnăk ach o, êp ach o mô lah gŭ rêh ta nkual rnoi mpôl đê̆.