Aơ lah Bôk nău kan dơi nglăp nsum bah 4 bôk nău kan rƀŏng tĭng lam dak bah năp đaơ jêng du trong tâm ban, geh: Ndâk njêng thôn ƀon mhe, n'hŭch ach o nâp nâl, hun hao wăng sa - rêh jêng kon nuĭh nkual rnoi mpôl đê̆ n'hanh mpeh yôk yang; Hun hao văn hóa; Rgâl mhe, n'hao uĕh ntĭm nti n'hanh ntĭm nti; Mât uănh săk soan, rnoh nuĭh n'hanh hun hao. Dĭng lĕ tơm prăk ƀư lvang năm 2026-2030 lah nklăp 880.000 rmen prăk (tâm nĕ tơm prăk Trung ương lah 345.000 rmen prăk); an lor dŭt n'hâm an ăp ntŭk jêr jŏt. Tơm ndơ bah bôk nău kan rgum tâm di nău ŭch ntuh kơl an nuĭh ƀon lan geh dŏng, ntrôl dăng mô an dŏng gay trok prăk khay mô lah nău kan ƀa ƀơ bah n'gâng kan. Trung ương jao nău dơi an gưl xã mât uănh ăp nău nchrăp ƀư jê̆, kỹ thuật dơh. Ăp nău nchrăp ƀư bah dâng 500 rkeh prăk mbra jao na nê̆ an nsum mpôl ƀon lan ƀư. Ta rơh rƀŭn nchră, Thủ tướng Lê Minh Hưng đă rgum ăp bôk nău kan rƀŏng tĭng lam dak an geh njêng nău rgâl na nê̆ tâm nău mât uănh, n'huch ntŭk kan, n'huch sam ƀŭt sam tra n'hanh mkra nău tâm ƀah, tâm trŭp; n'hao săk rnglăy dŏng ăp tơm ndơ; rgum tơm ndơ ngih dak gay ntuh kơl geh nkô̆ nău khlay. Thủ tướng jao Kruanh UBND ăp n'gor, nkuăl ƀon têh na nê̆ ƀư Kruanh Ban ntĭm rđău gưl n'gor n'hanh ƀư lôch jêh săk rnglăy n'gâng kan bah năp lơ 25/10 tât. Ăp ntŭk an geh rgum pă prăk ƀư lôch lĕ rngôch nklăp 12.000 rmen prăk tơm prăk rgâl bâh lvang năm 2021 - 2025 tât năm aơ.