VOV.Mnông: Nar naơ 18/12, ta n’gor Lạng Sơn, mpôl pah kan bâh ntŭk kan văn hoá, thể thao n’hanh pâl nđaih n’gor Đăk Lăk pah kan đah ntŭk kan văn hoá, thể thao n’hanh pâl nđaih ntŭk rêh jêng tĭng trong nâp nâl.

VOV.M’nông - Nơm geh nău blău ƀư njêng mhe n’hanh lĕ nuih n’hâm bah ăp băl mom rnoi mpôl đê̆ Tây Nguyên, ăp nău nteh chĭng gong, nău kan ma jâng ti way ơm mô lah ăp nău way gŭ rêh dơi “rlay kah” tĭng du trong dŭt mhe- rêng lam ta ăp ntŭk pơk ƀoh keh mbrô, tât âk mpưm ƀon lan.

VOV.M’nông - Play mpoh lung lah du ntil tơm hon êng. Play mpoh lung tep jong kơt play phượng, jong nklăp du mét, geh play dak pŭt n’hanh way kơt play tĭng rkum ta bôk n’ging. Lơn lah, nkao, chông n’hanh play mpoh lung dơi nuĭh Tây Nguyên dŏng gay nkret gâm ndơ sa. Tâm nĕ, play mpoh lung dơi nkret gâm jêng âk ndơ sa kah kơt ƀư pot, wât poăch, gâm trau đah ka mô lah gŭch lĭp bôh mrăch, lĭp mắm tôm mô lah juh đah plân tăng. Ƀô tăng ntĭt êng bah play mpoh lung lăp ndrel ƀô tăng bah bôh, hăng bah mrăch, lĕ jêng kah mô chuêl an ăp nuĭh tă sa.

VOV.Mnông: Đah nău ryơk n’hao ăp ntil ndơ geh huêng brah gŭ nde, ta năp ăp yan srih tăm, nuĭh Jarai ta n’gor Gia Lai lĕ geh ƀư rơh kuăl brah lôch yan gay ma dăn an huêng brah mât uănh, pă an mih lăng prăng sơh, mbo ba mbôn lăy ueh jêng, nău rêh hơm răm n’hanh đăp mpăn. Bol ma nău kĩ thuật tuch tăm aƀaơ lĕ êng, yơn nău way ƀư brah lôch yan hôm nha geh ƀư ta âk ntŭk kơt du nău way tu tơm nău ueh êng, mpơl nău kahgĭt lah ueh đah trôk nar n’hanh nkah an kon nuĭh rêh đăp mpăn ueh lăng đah neh bri.

VOV.M'nông- Nklang nău rêh aƀaơ, ta âk ƀon lan ta Dak Lak, nău chĭng gong nha hôm mât ndray n’hanh nsĭt n’hâm n’hôr mhe. Văn hóa chĭng gong dôl dơi nđơn tay ma ăp băl mom, bu hăr blău, n’hanh lĕ ma ăp câu lạc bộ chĭng gong tâm ăp ƀon lan đŏng, rgop tâm nău mât ndray săk tơm, n’hao dăng tâm nđŭr văn hóa n’hanh rdâk njêng rup gui Dak Lak dêh bên, geh âk săk tơm tâm rơh lăp rgum.

VOV.Mnông: Ta gôl yôk Pleiku, n’gor Gia Lai, ăp ƀon jê̆ bâh nuĭh Jarai dôl geh rgâl săk ăp nar têh dăng lơn. Ntoh lư kơt ƀon Ơp, ƀon Ia Nueng, mô dơn geh mpơl nău ueh êng nău rêh Tây Nguyên, ma hôm nha lah ăp nău ntoh ang tâm nău hun hao pâl nđaih ta ntŭk rêh jêng ndrel đah mât rbăy nău ueh êng mpôl rnoi, njêng nău rêh nâp nâl an nuĭh ƀon lan.

VOV.Mnông: Tâm nău ueh êng bâh chĭng gong Tây Nguyên- ntil ndơ khlay bâh kon nuĭh, ăp ngih rot jong bâh nuĭh Rđe kơt lah du gưl huêng bâh ƀon lan. Mô dơn lah ntŭk gŭ bâh lĕ du rnăk têh, ngih rot jong hôm nha lah nău ntĭt geh mpơl na nê̆ nău tĭng mpôl mê̆. Ta nĕ, bâh năm khay, hôm nha geh mât rbăy nău chĭng, nău mprơ, nkoch ndrong n’hanh ăp nău khlăy nâp nâl bâh nău ueh êhng rnoi Rđe. Ta khay ngêt năm sa khay ta Tây Nguyên, rnôk ma ngih rot jong lĕ ƀư lôch nâp ueh, nuĭh Rđe ta n’gor Đăk Lăk ƀư brah rhơn ngih nsum ta bon mhe geh ƀư têh nâp.

VOV.M'nông- Nuĭh K’Ho ta mpeh bah dâng Tây Nguyên geh mât prăp âk mpưm văn hóa săk ntơr êng, tâm nê ăp nău mpât mprơ kơt reng, loong, tòng bơr, tam pơ̆t, tam pla… way ntoh tâm ăp lễ hội. ndrel đah râp chĭng, ndăch rvăch, tâm ăp lễ hội, nuĭh K’ho mô dơi lah mô geh tâm ăp nău mprơ.

VOV.Mnông: Khay 7 năm 2020,Ntŭk kan leo ƀư ntĭm nti, khoa học n’hanh văn hoá LHQ (UNESCO) lĕ kơp dơn Công viên điạ chất  Đăk Nông lah Công viên điạ chất lam ntur neh. Ta meng nău khlăy ntoh  lư mpeh nkual neh prêh hvi, âk ndơ ơm, âk ntil nău ueh êng bri dak, ta aơ hôm nha geh mât rbăy ntil ndơ ueh êng ntoh lư bâh ăp mpôl rnoi  gŭ rêh ta yôk prêh nkual neh Bunong, tâm nĕ geh nău ueh êng chĭng gong Tây Nguyên- ntil ndơ ueh êng khlay bâh kon  nuĭh. Nău nteh bâh neh, nău ntơr bâh nău ueh êng kăl e  lĕ geh njêng nkual neh “Ndru me bâh ăp ntil ndơ nteh”.- Công viên điạ chất lam ntur neh UNESCO Đăk Nông, geh âk năch tât râng.

VOV.Mnông:Tâm nău mprơ Êđê, lah er mprơ Eirei n’gŭr răm, ri er Kưt lŏ hvi jong, lah nău nkoch êng săk nơm. Mprơ Kưt lah ăp nău rplay ngơi geh âk nău ntĭt hôr n’hanh geh nkô̆ nău uĕh; lơn lah aơ lah er mprơ tâm nău ot ndrong. Tâm rnôk mprơ ot ndrong joi geh ntŭk, mông nar n’hanh nghệ nhân wât rbăng, ri mprơ kưt dơh lơn tâm nău mât ndrăy, mât uĕh tay yor geh nău ŭch êng dŭt âk n’hanh âk nuĭh dơi mprơ. Ta ăp ƀon lan, ăp ntŭk pâl nđaih nsum mpôl ta n’gor Dak Lak, ndrel mprơ eirei, ăp nău mprơ kưt bah nuĭh Êđê dôl ƀư lăp nuih n’hâm năch pâl nđaih rnôk tât đah nkual neh aơ.