Kêng măng (18/8), Hiệp hội Pâl nđaih Việt Nam geh nar pah kan đah N’gâng kan Văn hóa, Thể thao n’hanh Pâl nđaih n’gor Dak Lak gay ndâk ƀư trong hun hao ndơ tâm di tĭng gưl ntŭk tăch, geh âk ndơ ntĭt mpơl êng gay n’hao soan tâm rlong.

Bah bôk năm tât aƀaơ, n’gor Dak Lak wơt nklăp 7,3 rkeh năch pâl nđaih, hao rlău 36% nkôp đah rơh aơ năm bah năp. Tâm nĕ, năch dak bah dih geh nklăp 107.500 nuĭh, hao bơi 45% năch tâm dak bơi 7,2 rkeh nuĭh. Dĭng lĕ geh prăk bah pâl nđaih geh bơi 13.500 rmen prăk, hao rlău 36%. Wa Nguyễn Hồng Hải, Groi Kruanh Hiệp hội Pâl nđaih Việt Nam an lah, đah ndơ geh âk, nău khlay bah n’gor Dak Lak aƀaơ lah an săch di nău geh gay luh ăp ndơ geh mha êng.