Dự thảo Luật neh ntu nkra rgâl dơi Chính phủ dăn đă đah 7 rmôt nău kơl, tâm nĕ dôl uănh lah trong kơl prăk kaih neh ntu n’hanh khlay neh. Tĭng nĕ, khlay neh yor Ngih dak ntrŭnh tĭng nkô̆ nău ŭch, năm dŏng neh, nău mbơh bôk năp n’hanh ăp nău ntrŭnh pháp luật geh tât. Ndrel đah nĕ, dữ liệu neh ntu mbra dơi boăt nthoi, tâm pă đah dữ liệu bah ăp nău kan, ntil nău.

Nău aơ dơi nkôp rgop uănh nđôi ntŭk tăch, n’hŭch nău n’hao khlay êng, jêng nău khlay mô di ngăn, nkre tŏng ăp tâm pă tâm di rnoh khlay ntop tay bah neh. Chính phủ đă ntrŭnh na nê̆ mpeh rnoh khlay neh n’hanh trong nkra rgâl rnoh khlay neh, ƀư nkô̆ nău kơp ăp prăk sŏk an tơm prăk bah neh, mĭn năl rnoh khlay dŏng neh rnôk tâm rgop doanh nghiệp ngih dak n’hanh kơp prăk trok neh rnôk Ngih dak sŏk neh.