Kruanh Quốc hội Trần Thanh Mẫn n'hanh I ur Nguyễn Thị Thanh Nga râng Bôk nău kan. Bôk nău kan nghệ thuật mpơl tay trong hăn bah yan puh Cách mạng năm 1945, nău njêng Quốc hội khóa I tât 80 năm Quốc hội hăn ndrel đah rnoi nuĭh, rdâk njêng neh dak tâm rach năm mhe. Ta bôk nău kan, nuĭh djăt uănh dơi rêh tay ăp mông nar têh dăng tă bah ăp nău mprơ hăn ndrel đah năm khay kơt Lá cờ Đảng, Mười chín tháng Tám, Ca ngợi Hồ Chủ tịch, Lời Bác dặn trước lúc đi xa, Giải phóng miền Nam, Tự nguyện... Ntop đah ăp nău mprơ n'gŭr răm lah ăp păng rup phóng sự khlay n'hanh nău tâm nđŭr wăch rgum đah ăp nuĭh râng lịch sử. Ntơm bah măt nar Ba Đình bah yan puh cách mạng năm 1945, bôk nău kan njuăl nău mbơh mpeh nău nđơn tay nău nsing nơm, nuih n'hâm n'hanh nău ŭch rŏng Việt Nam, ntop tay suan ntrôl gay lam Đảng, lam ƀon lan n'hanh lam tahen nsum suan rdâk njêng du neh dak têh ndrŏng, uĕh lăng, rhơn răm tâm rach năm hun hao mhe.