Kêng măng 20/8, Tổng Bí thư, Kruanh dak Tô Lâm pah kan đah Rnâng kan leo kan  Trung ương mpeh Bôk nău rgop an tâm nchră sơ kết 5 năm tĭng ƀư Nghị quyết mbrô 28 bah Ban Chấp hành Trung ương Đảng khóa XIII mpeh rgâl mhe tay trong rđău kan, mât bôk kan bah Đảng đah trong chính trị tâm rơh mhe. Jêh rnôk djăt nău mbơh n'hanh ăp nău rgop, Tổng Bí thư, Kruanh dak Tô Lâm đă Rnâng kan leo kan Trung ương tâm ban ŭch nău gĭt êng mpeh ntŭk gŭ kan, nău rƀŏng, nău ŭch geh bah Đề án. Aơ lah nău kan chính trị khlay mpeh rdâk njêng Đảng n'hanh lam trong kan chính trị; nău rƀŏng mô knŭng lah lôch jêh mbơh tơih mô lah ntrŭnh tay nău ntrŭnh, ma an geh gĭt na nê̆ ăp nău kŏ văk nking kol nău dơi leo kan, mât bôk kan, bâh nĕ mbơh tơih nău ntrŭnh, nău kơl kan njêng nău rgâl mhe tâm rơh mhe. Tổng Bí thư, Kruanh dak lah na nê̆, rgâl mhe nău leo kan, mât bôk kan mô ƀư rgâl nău kan, nău way n'hanh nău leo kan tơm khlăy bâh Đảng, ma gay ma ƀư an nău leo kan tâm di, săk rnglăy, khoa học, ƀon lan ƀư tơm, sŏng dăng n'hanh săk rnglăy lơn. Nkre lah, an geh tâm ban nău mĭn, nău gĭt vât n'hanh nău kan mpeh leo kan, mât bôk kan; leo ƀư ngăn nău kan "Đảng leo kan, Ngih dak mât uănh, ƀon lan ƀư tơm".