Ntoh ngơi ntĭm rđău ta rơh pah kan, Tổng Bí thư, Kruanh dak Tô Lâm đă Học viện Chính trị quốc gia Hồ Chí Minh an geh uănh năl di nău dơi, uănh na nê̆ ăp nău mô dơi n'hanh gĭt na nê̆ ăp nău ŭch geh bâh Học viện, nkre lah an geh uănh năl na nê̆ ntŭk kan, nău kan n'hanh nău ŭch hun hao Học viện tâm rơh mhe. Tổng Bí thư, Kruanh dak đă Học viện ân rgâl mhe ăp kôp trong kan, njêng nău rgâl kloh mpeh săk blău n'hanh nău dơi kan. Tâm nuih n'hâm nê Tổng Bí thư, Kruanh dak geh 5 nău đă đah Học viện; Tâm nê ân nhao dăng gŭ mĭn lý luận, n'glôch jêh nău ngăn, mbơh nău kan têh jong n'hanh mât njrăng jâng nsing nău mĭn bah Đảng; Nkre ân rgâl mhe tơm, lam lĕ rngôch ntĭm nti, kơi năp nti tĭng trong rƀŏng hun hao ndơ geh ƀư n'hanh săk blău cán bộ. Tổng Bí thư, Kruanh dak lah rjăp Học viện ân lah ntŭk ăp cán bộ rnôk luh bah ngih săm ƀŭt Đảng ân nâp nâl lơn mpeh nuih n'hâm, kloh lơn mpeh nau mĭn lý luận, prêh lơn mpeh nau kan, pah kan ueh lơn yor Đảng, yor neh dak, yor ƀon lan.