Groi Kruanh dak Võ Thị Anh Xuân lĕ jao an 210 nklâm ndơ Trung thu an ăp kon se kop ji dôl săm, ngăch prăl tay săk soan ta Ngih dak si Phục hồi chức năng n’gor Tuyên Quang; nkre an jao Ngih dak si 200 rkeh prăk. Đêp rmên chop khâl, ntrŭt đă ăp kon se kop ji, kon se koet nte, Groi Kruanh dak Võ Thị Ánh Xuân njuăl nău mbah rhơn ăp oh wơt Tết Trung thu răm m’ak, ueh lăng gơih nđơr tay, dŭt n’hâm săm ji, tiăr nti gay ơm ngăch prăl săk soan.

Lah rjăp kon se lah nău rêh rgŏ năp bah neh dak, Groi Kruanh dak Võ Thị Ánh Xuân đă trong kan mât njrăng, uănh rong n’hanh n’hao ngăch dăng kon se an dơi uănh kơl tay, kơl lor. Nkre đă ăp gưl, nău kan, rmôt kan, êng nuĭh uănh tât tay, ndrel ty mât rŏng ueh lơn an kon se koet nte, kon se geh nău rêh jêr jŏt; nta nơih gay ăp oh dơi nti, mât rong săk soan, rgum nglăp ndrel nsum  mpôl n’hanh hun hao lĕ rngôch.