Groi Thủ tướng Rnâng kan Phạm Gia Túc râng Rƀŭn nchră gưl prêh Tâm boh tăch rgâl n'hanh ntuh kơl ASEAN - Trung Quốc
Thứ sáu, 14:22, 18/09/2026
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
VOV.M’nông – Nar 17/9, ta nkual ƀon têh Nam Ninh, Nkual mât bôk rnoi nuĭh Choang Quảng Tây, Trung Quốc, Groi Thủ tướng Rnâng kan Chính phủ Phạm Gia Túc leo mpôl Việt Nam râng ƀư ntơm pơk Hội chợ Trung Quốc - ASEAN (CAEXPO) n'hanh Tâm nchră gưl prêh Tâm boh tăch rgâl n'hanh ntuh kơl Trung Quốc - ASEAN (CABIS) rơh tal 23.
Ntoh ngơi ta rơh ƀư, Groi Thủ tướng Rnâng kan Phạm Gia Túc rnê âk nău nchrăp bah dak tơm jay Trung Quốc n'hanh n'gâng kan Quảng Tây; nsing nơm CAEXPO n'hanh CABIS pơk luh tay trong tâm boh mhe an doanh nghiệp n'hanh nuĭh ƀon lan ASEAN - Trung Quốc.
Tĭng Groi Thủ tướng Rnâng kan, tâm nklăp 4 rach năm rlău aơ, nău tâm boh ASEAN - Trung Quốc lĕ jêng ngoai tâm ăp nău kan tâm boh geh nau dơi, đăp mpăn. Rnoh prăk tăch rgâl bar ding hao rlau 130 tơ̆ ndrel rơh bôk năp rlet rlau 1.000 rmen USD tâm năm 2025, leo ASEAN ndrel Trung Quốc jêng dak tâm boh tăch rgâl têh ngăn bah nơm.
Viết bình luận