Tâm ôp đah ăp nuĭh râng Jrô kơi năp nti, rƀah nău gĭt way nkô̆ “N’hao nău dơi mât bôk kan bah Chính phủ, njêng đăt ndal dăng an hun hao ngăch, jŏ jong n’hanh hun hao bar mbrô”, Thủ tướng Lê Minh Hưng lah rjăp, Đại hội XIV bah Đảng lah n’gâng ntơm khlay, pơk luh ngăn rơh hun hao mhe bah rnoi nuĭh Việt Nam.

Gay tĭng ƀư jêng ngăn ngăn bar rnoh tât kan têh jong 100 năm (tât năm 2030, jêng dak dôl hun hao geh công nghiệp têh dăng mhe, rĭng geh wăng sa âk n’hanh tât năm 2045, jêng dak hun hao, nsĭt geh wăng sa âk), njăr trong 5 năm 2026-2031 geh nkô̆ khlay mha êng, njêng jâng nsing nâp an rơh bah kơi tay, tâm nê, jâng wăng sa ân đăt ndal, rnoh tât hun hao bar mbrô. Ndrel đah ăp trong nchrăp, n’glêh an têh, di ngăn, geh nău đăt ndal bah Đảng, Ngih dak, du ndơ n’gâng tơm gay tât jêng ngăn nău ŭch geh bah lơ nê lah ân njêng dơi ăp nău rgâl uĕh, dăng, ngăn ngăn mpeh nău dơi mât bôk kan bah Chính phủ, nkre jêng dơi ngăn nău blău dŏng kan bah ăp gưl, ăp n’gâng kan n’hanh n’gor.