Tĭng nău ntrŭnh bah Thủ tướng Chính phủ, rnâng kan Mât uănh ăp Nkual wăng sa n'hanh ăp Nkual công nghiệp Dak Lak dơi ndâk njêng tĭng nău nglăp nsum rnâng kan Mât uănh Nkual wăng sa Phú Yên, Rnâng kan Mât uănh ăp Nkual công nghiệp n'gor Dak Lak n'hanh Ban Mât uănh Nkual tuch tăm dŏng công nghệ mhe Phú Yên. Ta rƀŭn nchră, UBND n'gor Dak Lak kŏ mbơh nău ntrŭnh săch 9 cán bộ mât ăp nău kan kruanh rnâng Mât uănh. Wa Huỳnh Lữ Tân, Kruanh rnâng kan mât uănh nkual wăng sa Phú Yên, dơi ntăm n'hao ƀư Kruanh rnâng kan mât uănh ăp nkual wăng sa n'hanh ăp nkual công nghiệp Dak Lak. Kruanh UBND n'gor Dak Lak Đỗ Hữu Huy đă Rnâng kan mât uănh ndăn ngăch đăp mpăn ƀư tĭng nău kan, đăp mpăn nău kan mô geh roh rui; nkre ntik n'hao nău khlay ƀư tơm tâm mât uănh, wăch rgum ntuh kơl, ntop kơl doanh nghiệp n'hanh ntrŭt ntrôl săk rnglăy nău kan bah ăp nkual wăng sa, nkual công nghiệp, nkual tuch tăm dŏng công nghệ mhe ta n'gor.