Ta rƀŭn nchră, Tổng Bí thư, Kruanh dak Tô Lâm lah kloh, Hà Nội dôl lăp tâm rơh hun hao mhe đah nău ŭch geh âk lơn. Yor kơt nê̆ ăp nău n'glêh an mpeh nuĭh kan khuch tât nău dơi hun hao bah nkual ƀon têh n'hanh rup ndah bah n'gâng kan ƀon lan bah năp ƀon lan. Tổng Bí thư, Kruanh dak nsing nơm rnâng kan  way kan nkuăl ƀon têh Hà Nội mbra mât uĕh ăp săk rnglăy dơi geh gay ndâk njêng dơi du rmôt cán bộ tâm di đah nău kan, rmôt kan geh nuih n'hâm uĕh lŏng, gĭt blău, geh kỷ luật, kloh uĕh, geh nău dơi kan, đăp mpăn n'gâng kan ƀĭt joet, săk rnglăy. Tă bah nĕ kơl an Hà Nội mkra dơi ăp nău jêr jŏt, ăp nău têh, njêng nău rgâl tâm mât uĕh săk tơm rbăn năm văn hiến, hun hao tâm di đah ntŭk gŭ ƀon têh, tâm ndâk njêng muh măt bah nkual ƀon têh, bah Thủ đô n'hanh n'hao nău rêh an ƀon lan.