Năm 2026, trong kan rdâng đah trôk nar lơh dơi n'gor Dak Lak n'hao dăng tĭng trong rƀŏng nchrăp lor lơn, đah nklăp 100 ntŭk uănh năl mih sial way dŏng, 11 ntŭk mbơh njrăng lor dak bŭk êng; 100% xă, phường njêng rmôt hăn lor njrăng, n'gang trôk nar lơh đah rlău 11.000 nuĭh.

Nău ngăn geh lĕ đă du đê̆ nău kan ân nkra tay, tâm nê geh nău tâm rgop, tâm pă nău lư tâm nău dŏng dak bât n'hanh tâm pă dak bât rnôk geh mih dak bŭk têh. Aơ lah nău nti dơi Dak Lak nkah jêh rơh dak bŭk hô khay 11 năm e. Ntoh ngơi ta Rƀŭn nchră, Bí thư N'gor ủy Dak Lak Lương Nguyễn Minh Triết đă an geh mât nău tâm mbơh nău mhe ƀa ƀơ đah n'gor Gia Lai mpeh rnoh mih, rnoh dak n'hanh mât dŏng ăp dak bât dak me, nkre lah mbơh njrăng an geh tât nuĭh ƀon lan lor rnôk pơk dak. Ntơm bôk năm tât aƀaơ, trôk nar mih sial ta n'gor Dak Lak lĕ ƀư 2 nuĭh khĭt, 109 mlâm jay geh khuch khat, khuch khat rlău 2.8 rmen prăk.