Trong nchrăp Luật geh 13 chương, hŭch 03 Chương rđĭl đah bôk gâl bah Luật Neh ntu năm 2024, du đêt nkô̆ quy định mpeh nău way ta ăp chương dja dơi ndop tâm ăp chương hôm ƀa ƀă. Mpeh rnoh âk điều, trong nchrăp Luật geh 115 điều (Luật Neh ntu năm 2024 lah 260 điều). 

Ta rơh hop, ăp n’gâng kan rgum tâm nchră mpeh du đêt nkô̆ hôm êng êng kơt: nău dơi tĭng ƀư nkô̆ mât bôk kan ngih dak mpeh neh ntu; Mpeh công chứng, chứng thực hợp đồng, siƀŭt tĭng ƀư ăp nău dơi bah nuĭh dŏng neh; Mpeh sŏk mplơ̆ neh dŏng an hun hao wăng sa rêh jêng kon nuĭh nsum mpôl neh dak. N’glôch jêh rơh hop, Groi Thủ tướng Hồ Quốc Dũng lah rjăp, aơ lah trong nchrăp Luật geh ring tam jru, lam lĕ rngôch đah ăp ntil bah nău rêh. Groi Thủ tướng giao Bộ Nông nghiệp n’hanh Môi trường ƀư tơm kan nsum đah ăp nhih pah kan geh tât ra uănh tay, gŭ mĭn na nê̆, tâm ban ŭch dơn ngoăy trong nkra tâm trong nchrăp Luật, đăp mpăn geh nău dơi, nău tam, bah ir wăk kol tâm nău rgâl di tay lôch rnôk n’gluh an dŏng.