VOV4.Bahnar - Tơdrong tơroi kră sơ̆ “Bơ yang” kơ hơdrung Bru-Vân Kiều  tơri găh ƀar ‘nu ‘nhŏng oh mơti mơtĕk. Bơngai ‘nhŏng ‘noh jĭ bơngai đei jơhngơ̆m đon kơnê̆, ham kơna truh đơ̆ng rŏng đei tơdrong lôch răm pơgoh ŭnh hnam. Găh bơngai oh ‘noh đei jơhngơ̆m đon gơ̆h găt băt ‘mêm dih băl kơna đei tơdrong hơrih sơđơ̆ng ‘lơ̆ng hơ iă. ‘Moi kiơ̆ tơdrong tơroi kră sơ̆ ou ‘meh vă pơtho khan ăn kơ bơ̆n tơdrong “Oei sa ‘lơ̆ng tơƀơ̆p pŭn ai”, dăh oei sa ‘lơ̆ng hơ iă hăm rim răih bơngai ‘noh tơdrong pun ai gô truh hăm bơn.