VOV4.Bahnar - Tơdrong tơroi kră sơ̆ kơ bơngai M’nông “ Hre sa ƀa, đŏk hru ăn ching chêng”, tơroi găh bơngai tơdăm mơti mơtĕk erih sa gơnơm đơ̆ng jang sa. Gơnơm kon đŏk mă sư tơgŭm dŏng kơna hăp mă iŏk đei chĭng chêng gĭt kăl mă đŏk hrŭ ăn đơ̆ng tơpôl đŏk sa ƀa sư. Đơ̆ng mă noh kon bơngai mă đei chĭng chêng gĭt kăl 6 hlak păng tơpôl đŏk pă đei sa ƀa lơ nhen sơ̆ bơih mư̆h kơtơ̆ng jơva tôn chĭng chêng tơpuh đŏk đơ̆ng kon bơngai chă tôn tơ̆ mir.