VOV4.Bahnar - Jơhngơ̆m đon ‘mêm kơ eng kơ mĕ kon jĭ tôch gĭt kăl lơ̆m tơdrong hơrih kơ kon bơngai, rim hơyak bơ̆n chă năm jei đei mĕ lăng tông nông gia. Tơdrong tơroi kră sơ̆ đei hơnăn “Nơ̆r mĕ pơkă” kơ Nhật Bản, đơ̆ng nơ̆r mĕ chă pơtho khan, bơngai hơ ioh lơ̆m tơdrong tơroi au hlôi pơm kiơ̆ lơ̆m jơhngơ̆m đon hơpơi ‘meh vă. Hơ ioh hlôi tơƀôh hơdăh jơhngơ̆m đon hơdrin yak hloh tơnap tap vă đei truh iŏk jơnei đơ̆ng rŏng ou pơma dơnuh hăm ƀok pơtao. Truh đơ̆ng roưng bơngai hơ ioh hlôi tơƀôh hơdăh jơhngơ̆m đon hơgei, nuih mơng, bơngai hơ ioh au tơgăl vă ƀok pơtao plang ăn mŭk drăm păng hơnăp jang chĕp pơgơ̆r teh đak hơnhăk đei tơdrong hơrih sa phĭ tơtŏ hơnŏ ‘lơ̆ng hơnŭk hơnoa ăn kon pơlei.