VOV4.Bahnar – Tơdrong hơ ‘mon “Pơlau păng pơnang” kơ bơngai Cơ Tu tơroi kơ bre klo hơkăn tơdăm Ƀih păng bia Bum Viêm. Đơ̆ng rŏng kơ lôch noh đei ƀok Na dŏng hlôi ‘nhăk vih pơm hơkăn ƀok Na. Năr pơkong, ƀok Na hơvơn tơdăm Ƀih truh et xa păng nhen tơchĕng hơdrol tơbre jing teh băl. Bia Bum Viêm ƀôh thoi noh hlôi iŏk ‘nŭng pơgang hơmŏ đơ̆ng hơdrol kơsăi tơ̆ tơdăm Ƀih jing hloi tơm pơnang, ƀok Na noh jing tơmo, oei bia Bum Viêm noh jing tơm pơlau păng ƀar ‘nu kon jing hơpuăl tŭl hla pơlau. Kiơ̆ tơdrong tơroi hlôi tơblang hơdah kơlih kiơ đei khôi xa pơlau hrei âu tơ̆ kon pơlei Cơ Tu adoi nhen kon pơlei Kinh.