VOV4.Bahnar - Tơdrong tơroi kră sơ̆ đei hơnăn “Yang U Lâm” kơ hơdrung Mnông tơroi găh ƀar ‘nu bơngai drŏ nglo, mĭnh ‘nu tôch pơdrŏng păng mĭnh ‘nu tôch dơnuh. Bơngai dơnuh năm tơƀơ̆p yang Ulâm, đei yang chă pơtho ăn trong jang sa kơna jing pơdrŏng, hơdrơ̆k dơ̆ng, bơngai pơdrŏng pơm kiơ̆ bơngai dơnuh đơ̆ng rŏng pơm kiơ̆ pêng tơdrong hơpơi ‘meh vă đơ̆ng yang tơpơng ăn hlôi jing dơnuh. Tơdrong tơroi ou jei ‘meh vă pơtho tơbăt ăn ‘meh vă pơdrŏng sŏng sa jơnap ‘noh hơdrin jang sa kơna mă đei.